MNF Thalai Vice President chuan, Kum 2023 - 2024 Academic session liam ta a Mizoram Scholarship Board (MSB) hnuaia Scholarship dil zirlai 3981 ten scholarship hmuh tur nuai 800 chu Mizoram sawrkarin central Sawrkar ah a hun taka UC a thehluh loh avangin scholarship an la dawng thei lo chu zirlaite a ngaihsak tawk lo a, zirlai te an khawngaih thlak awm hle a ni a ti a. MNYF Vice President chuan ZPM Sawrkar in SASCI atanga sum an hmuh turah dawt hmanga UC thehluh an hmanhlel hle lai a, Zirlaite Scholarship dawn turah an muang leh hle hi MNF thalai chuan hriatthiam har an ti a ni.

MNF Thalai chuan, Kuthnathawk tuten ZPM sawrkar hnuaiah harsatna nasa tak an tawkin Hmunphiah  chingtute leh Sawhthing chingtute an mangang tak zet a, Hmunphiah kg-ah Cheng za (100) a leisak tiamtute'n kg-ah ₹15 pawn an leisak theih loh avangin hmunphiah chingtute'n an hmunphiah an seng duh lo a ni," a ti.

Sawhthing pawh KG ah Cheng sawmnga (50) a leisak an tiam angin an leisak leh theih loh avangin kuthnathawk tute thingtlang hmun hrang hrangah an mangang tak zet a, Sawhthing chawh sa Quintal nuai tam tak mizoram pumpui ah chawh sa an leisak loh ala awm mek hi leisak vat turin ZPM sawrkar hi ka ngen a ni a ti. Sawhthing chingtute Sawhthing an leina bá leh buara man pawh a rang thei ang ber a pe let turin kan phut a. A tul angin MNF thalai chu Kuthnathawktu te an dawr dan ah Sawhthing man an bat chungchang chu a enzui reng dawn a ni.

Sawrkar hnathawk te Pa chanchang a an lungawilohna te ngaihthlak sak mai lo a, a vau zawng leh rikrap zawng a zpm sawrkar in hma a lak avangin CSS hnuai a hnathawk mi singkhat chuang in harsatna an tawk mek bawk a ni, a ti.

Kuhva Smuggling chungchang sawiin Ni 18 April 2025 Good friday ni ah Assam motor Ashok Leyland Registration no. AS 11 FC 1189 leh AS 11 cc 7677 leh Mz 05 B 1077 ten Bag 700 chuang sawrkar man sa vai sumdawng hnen ah hralh leh a tum hi a dem tak zet a, kum 2024 khan Bag 5741 kuhva man sa an lo ti bo tawh bawk, Smuggling te leh ZPM sawrkar hi an in thurual ta mai em ni a ti bawk.

MNF Thalai thuchhuah chuan, kuhva bag bo tawh leh tun a Motor 5 zinga Motor 3-in a phurh bo hi bag 6191 ni a chhut a ni a. ZPM sawrkarna hnuaiah hian kuhva bag bo hlutna hi tualchhung rate atanga chhutin  cheng Vaibelchhe 138678400/- hu a ni a, tunhnai ah Zpm party in Aizawl khawpui laili a Office hmun tur man to tak a lei nan an hmang ta mai em ni a ti.

Thingdawl women polytechnic building kawt a, Burma kuhva Truck Trip hnih load sa awm reng khu Home Minister in hma a la lo anih chuan mnf thalai ten a tul ang in hma kan la ang a ti.